Exórtum est in ténebris lumen rectis corde:

miséricors et miserátor et iustus Dóminus.

Fidéles tuos, quæsumus, Dómine, benígnus illúmina,

et splendóre glóriæ tuæ corda eórum semper accénde,

ut Salvatórem suum et incessánter agnóscant,

et veráciter apprehéndant.

Qui tecum.

Múnera, quæsumus, Dómine,

tuæ plebis propitiátus assúme,

ut, quæ fídei pietáte profiténtur,

sacraméntis cæléstibus apprehéndant.

Per Christum.

In hoc appáruit cáritas Dei in nobis,

quóniam Fílium suum Unigénitum misit Deus in mundum,

ut vivámus per eum.

Deus, qui nos sacraménti tui participatióne contíngis,

virtútis eius efféctus in nostris córdibus operáre,

ut suscipiéndo múneri tuo per ipsum munus aptémur.

Per Christum.