Feria III - Hebd prima
Tempus quadragesimæ
Cf. Ps 89, 1-2
Dómine, refúgium factus es nobis
a generatióne et progénie;
a sæculo, et in sæculum tu es.
Réspice, Dómine, famíliam tuam, et præsta,
ut apud te mens nostra tuo desidério fúlgeat,
quæ se corporálium moderatióne castígat.
Per Dóminum.
Súscipe, creátor omnípotens Deus,
quæ de tuæ munificéntiæ largitáte deférimus,
et temporália nobis colláta præsídia
ad vitam convérte propitiátus ætérnam.
Per Christum.
Cf. Ps 4, 2
Cum invocárem te, exaudísti me, Deus iustítiæ meæ,
in tribulatióne dilatásti me;
miserére mihi, Dómine, et exáudi oratiónem meam.
His nobis, Dómine, mystériis conferátur,
quo, terréna desidéria mitigántes,
discámus amáre cæléstia.
Per Christum.
ORATIO SUPER POPULUM AD LIBITUM ADHIBENDA
L/F Fidéles tui, Deus, benedictióne tua firméntur,
sis eis in mæróre solátium,
in tribulatióne patiéntia,
in perículo præsídium.
Per Christum.