Rédime me, Dómine, et miserére mei.

Pes enim meus stetit in via recta,

in ecclésiis benedícam Dóminum.

Deus, qui ob animárum medélam

castigáre córpora præcepísti,

concéde, ut ab ómnibus possímus abstinére peccátis,

et corda nostra pietátis tuæ váleant exercére mandáta.

Per Dóminum.

Preces nostras, Dómine, propitiátus admítte,

et a terrénis éffice illécebris liberátos,

quos cæléstibus tríbuis servíre mystériis.

Per Christum.

Estóte misericórdes,

sicut et Pater vester miséricors est, dicit Dóminus.

Hæc nos commúnio, Dómine, purget a crímine,

et cæléstis gáudii fáciat esse consórtes.

Per Christum.

Confírma, Dómine, quæsumus, tuórum corda fidélium,

et grátiæ tuæ virtúte corróbora,

ut et in tua sint supplicatióne devóti,

et mútua dilectióne sincéri.

Per Christum.