In te, Dómine, sperávi, non confúndar in ætérnum;

edúces me de láqueo quem abscondérunt mihi,

quóniam tu es protéctor meus.

Da, quæsumus, omnípotens Deus,

ut, sacro nos purificánte pæniténtiæ stúdio,

sincéris méntibus ad sancta ventúra fácias perveníre.

Per Dóminum.

Miserátio tua, Deus, ad hæc peragénda mystéria,

fámulos tuos, quæsumus, et prævéniat competénter,

et devóta conversatióne perdúcat.

Per Christum.

Diléxit nos Deus, et misit Fílium suum

propitiatiónem pro peccátis nostris.

Accépto, Dómine, pígnore salútis ætérnæ,

fac nos, quæsumus, sic téndere congruénter,

ut ad eam perveníre possímus.

Per Christum.

Da, quæsumus, Dómine, pópulo tuo

salútem mentis et córporis,

ut, bonis opéribus inhæréndo,

tua semper mereátur protectióne deféndi.

Per Christum.