Deus, in nómine tuo salvum me fac,

et in virtúte tua líbera me.

Deus, exáudi oratiónem meam,

áuribus pércipe verba oris mei.

Deus, qui fragilitáti nostræ cóngrua subsídia præparásti,

concéde, quæsumus, ut suæ reparatiónis efféctum

et cum exsultatióne suscípiat,

et pia conversatióne recénseat.

Per Dóminum.

Hæc sacrifícia nos, omnípotens Deus,

poténti virtúte mundátos,

ad suum fáciant purióres veníre princípium.

Per Christum.

In Christo habémus redemptiónem per sánguinem eius,

remissiónem peccatórum,

secúndum divítias grátiæ eius.

Præsta, quæsumus, Dómine,

ut, sicut de prætéritis ad nova transímus,

ita, vetustáte depósita,

sanctificátis méntibus innovémur.

Per Christum.

Réspice, Dómine, super fámulos tuos,

et in tua misericórdia confiténtes

cælésti prótege benígnus auxílio.

Per Christum.