Suscépimus, Deus, misericórdiam tuam

in médio templi tui.

Secúndum nomen tuum, Deus,

ita et laus tua in fines terræ;

iustítia plena est déxtera tua.

Deus, qui in Fílii tui humilitáte

iacéntem mundum erexísti,

fidélibus tuis sanctam concéde lætítiam,

ut, quos eripuísti a servitúte peccáti,

gáudiis fácias pérfrui sempitérnis.

Per Dóminum.

Oblátio nos, Dómine, tuo nómini dicáta puríficet,

et de die in diem ad cæléstis vitæ tránsferat actiónem.

Per Christum.

Gustáte et vidéte, quóniam suávis est Dóminus;

beátus vir, qui sperat in eo.

Veníte ad me, omnes qui laborátis et oneráti estis,

et ego refíciam vos, dicit Dóminus.

Tantis, Dómine, repléti munéribus,

præsta, quæsumus, ut et salutária dona capiámus,

et a tua numquam laude cessémus.

Per Christum.