Ne derelínquas me, Dómine Deus meus,

ne discédas a me; inténde in adiutórium meum,

Dómine, virtus salútis meæ.

Omnípotens et miséricors Deus, de cuius múnere venit,

ut tibi a fidélibus tuis digne et laudabíliter serviátur,

tríbue, quæsumus, nobis,

ut ad promissiónes tuas sine offensióne currámus.

Per Dóminum.

Fiat hoc sacrifícium, Dómine, oblátio tibi munda,

et nobis misericórdiæ tuæ sancta largítio.

Per Christum.

Notas mihi fecísti vias vitæ,

adimplébis me lætítia cum vultu tuo, Dómine.

Sicut misit me vivens Pater, et ego vivo propter Patrem,

et qui mandúcat me, et ipse vivet propter me,

dicit Dóminus.

Augeátur in nobis, quæsumus, Dómine,

tuæ virtútis operátio,

ut, refécti cæléstibus sacraméntis,

ad eórum promíssa capiénda tuo múnere præparémur.

Per Christum.