Salvos nos fac, Dómine Deus noster,

et cóngrega nos de natiónibus,

ut confiteámur nómini sancto tuo,

et gloriémur in laude tua.

Concéde nobis, Dómine Deus noster,

ut te tota mente venerémur,

et omnes hómines rationábili diligámus afféctu.

Per Dóminum.

Altáribus tuis, Dómine,

múnera nostræ servitútis inférimus,

quæ, placátus assúmens,

sacraméntum nostræ redemptiónis effícias.

Per Christum.

Illúmina fáciem tuam super servum tuum,

et salvum me fac in tua misericórdia.

Dómine, non confúndar, quóniam invocávi te.

Beáti páuperes spíritu,

quóniam ipsórum est regnum cælórum.

Beáti mites, quóniam ipsi possidébunt terram.

Redemptiónis nostræ múnere vegetáti, quæsumus, Dómine,

ut hoc perpétuæ salútis auxílio

fides semper vera profíciat.

Per Christum.