Introdúxit vos Dóminus in terram fluéntem lac et mel;

ut lex Dómini sit semper in ore vestro, allelúia.

Resurréxit Dóminus a mórtuis, sicut díxerat;

exsultémus et lætémur omnes,

quóniam ipse regnat in ætérnum, allelúia.

Deus, qui Ecclésiam tuam nova semper prole multíplicas,

concéde fámulis tuis,

ut sacraméntum vivéndo téneant, quod fide percepérunt.

Per Dóminum.

Súscipe, quæsumus, Dómine,

múnera tuórum propítius populórum,

ut, confessióne tui nóminis et baptísmate renováti,

sempitérnam beatitúdinem consequántur.

Per Christum.

Christus resúrgens ex mórtuis iam non móritur,

mors illi ultra non dominábitur, allelúia.

Exúberet, quæsumus, Dómine,

méntibus nostris paschális grátia sacraménti,

ut, quos viam fecísti perpétuæ salútis intráre,

donis tuis dignos effícias.

Per Christum.