Iubiláte Deo, omnis terra,

psalmum dícite nómini eius,

date glóriam laudi eius, allelúia.

Semper exsúltet pópulus tuus, Deus,

renováta ánimæ iuventúte,

ut, qui nunc lætátur in adoptiónis se glóriam restitútum,

resurrectiónis diem spe certæ gratulatiónis exspéctet.

Per Dóminum.

Súscipe múnera, Dómine, quæsumus, exsultántis Ecclésiæ,

et, cui causam tanti gáudii præstitísti,

perpétuæ fructum concéde lætítiæ.

Per Christum.

Oportébat Christum pati, et resúrgere a mórtuis tértia die,

et prædicári in nómine eius pæniténtiam,

et remissiónem peccatórum in omnes gentes, allelúia.

Pópulum tuum, quæsumus, Dómine, intuére benígnus,

et, quem ætérnis dignátus es renováre mystériis,

ad incorruptíbilem glorificándæ carnis resurrectiónem

perveníre concéde.

Per Christum.