Christus resúrgens ex mórtuis iam non móritur,

mors illi ultra non dominábitur, allelúia.

Deus, lux perfécta beatórum, qui nobis tribuísti

paschália mystéria celebráre in terris,

fac nos, quæsumus,

de grátiæ tuæ plenitúdine in ætérna sæcula gaudére.

Per Dóminum.

Súscipe múnera, Dómine, quæsumus, exsultántis Ecclésiæ,

et cui causam tanti gáudii præstitísti,

perpétuæ fructum concéde lætítiæ.

Per Christum.

Stetit Iesus in médio discipulórum suórum,

et dixit eis: Pax vobis, allelúia.

Pópulum tuum, quæsumus, Dómine, intuére benígnus,

et, quem ætérnis dignátus es renováre mystériis,

ad incorruptíbilem glorificándæ carnis resurrectiónem

perveníre concéde.

Per Christum.