Feria IV - Hebd sexta
Tempus paschale
In regionibus ubi sollemnitas Ascensionis fit dominica sequenti, haec Missa etiam vespere adhibetur.
Cf. Ps 17, 50; 21, 23
Confitébor tibi in pópulis, Dómine,
et narrábo nomen tuum frátribus meis, allelúia.
Annue nobis, quæsumus, Dómine,
ut, quemádmodum mystério
resurrectiónis Fílii tui sollémnia cólimus,
ita et in advéntum eius gaudére
cum Sanctis ómnibus mereámur.
Per Dóminum.
Deus, qui nos, per huius sacrifícii veneránda commércia,
uníus summæque divinitátis partícipes effecísti,
præsta, quæsumus,
ut, sicut tuam cognóvimus veritátem,
sic eam dignis móribus assequámur.
Per Christum.
Cf. Io 15, 16.19
Dicit Dóminus: Ego elégi vos de mundo
et pósui vos ut eátis, et fructum afferátis,
et fructus vester máneat, allelúia.
Pópulo tuo, quæsumus, Dómine, adésto propítius,
et, quem mystériis cæléstibus imbuísti,
fac ad novitátem vitæ de vetustáte transíre.
Per Christum.
IN ASCENSIONE DOMINI
Sollemnitas
Ubi sollemnitas Ascensionis non est de præcepto servanda, assignatur, tamquam diei proprio, dominicæ VII Paschæ.
Hæc Missa adhibetur vespere pridie sollemnitatis sive ante sive post I Vesperas Ascensionis.
ANT. AD INTROITUM
Ps 67, 33.35
Regna terræ cantáte Deo, psállite Dómino,
qui ascéndit super cælum cæli;
magnificéntia et virtus eius in núbibus, allelúia.
COLLECTA
Deus, cuius Fílius hódie in cælos,
Apóstolis astántibus, ascéndit,
concéde nobis, quæsumus,
ut secúndum eius promíssionem
et ille nobíscum semper in terris
et nos cum eo in cælo vívere mereámur.
Qui tecum.
SUPER OBLATA
Deus, cuius Unigénitus, Póntifex noster,
semper vivens sedet ad déxteram tuam
ad interpellándum pro nobis,
concéde nos adíre cum fidúcia ad thronum grátiæ,
ut misericórdiam tuam consequámur.
Per Christum.
Quando adhibetur Canon Romanus, dicitur Communicántes proprium.
ANT. AD COMMUNIONEM
Cf. Hebr 10, 12
Christus, unam pro peccátis ófferens hóstiam,
in sempitérnum sedet in déxtera Dei, allelúia.
POST COMMUNIONEM
Quæ ex altári tuo, Domine, dona percépimus,
accéndant in córdibus nostris cæléstis pátriæ desidérium,
et quo præcúrsor pro nobis introívit Salvátor,
fáciant nos, eius vestígia sectántes, conténdere.
Qui vivit et regnat in sæcula sæculórum.
Act 1, 11
Viri Galilæi, quid admirámini aspiciéntes in cælum?
Quemádmodum vidístis eum ascendéntem in cælum,
ita véniet, alléluia.
Fac nos, omnípotens Deus, sanctis exsultáre gáudiis,
et pia gratiárum actióne lætári,
quia Christi Fílii tui ascénsio est nostra provéctio,
et quo procéssit glória cápitis, eo spes vocátur et córporis.
Per Dóminum.
Vel:
Concéde, quæsumus, omnípotens Deus,
ut, qui hodiérna die
Unigénitum tuum Redemptórem nostrum
ad cælos ascendísse crédimus,
ipsi quoque mente in cæléstibus habitémus.
Qui tecum.
Sacrifícium, Dómine, pro Fílii tui súpplices
venerábili nunc ascensióne deférimus:
præsta, quæsumus, ut his commérciis sacrosánctis
ad cæléstia consurgámus.
Per Christum.
Tonus sollemnis
Sanctus, Sanctus, Sanctus Dóminus Deus Sábaoth...
Quando adhibetur Canon romanus, dicitur Communicántes proprium.
Mt 28, 20
Ecce ego vobíscum sum ómnibus diébus
usque ad consummatiónem sæculi, allelúia.
Omnípotens sempitérne Deus,
qui in terra constitútos divína tractáre concédis,
præsta, quæsumus,
ut illuc tendat christiánæ devotiónis afféctus,
quo tecum est nostra substántia.
Per Christum.