Adeámus cum fidúcia ad thronum grátiæ,

ut misericórdiam consequámur,

et grátiam inveniámus in auxílio opportúno, allelúia.

Spíritus tuus, quæsumus, Dómine,

spiritália nobis dona poténter infúndat,

ut det nobis mentem, quæ tibi sit plácita,

et aptet nos tuæ propítius voluntáti.

Per Dóminum.

Propítius, Dómine, quæsumus, hæc dona sanctífica,

et, hóstiæ spiritális oblatióne suscépta,

nosmetípsos tibi pérfice munus ætérnum.

Per Christum.

Ego veritátem dico vobis, éxpedit vobis ut ego vadam;

si enim non abíero, Paráclitus non véniet ad vos,

dicit Dóminus, allelúia.

Percépta mystéria, quæsumus, Dómine,

et eruditióne nos ínstruant et participatióne restáurent,

ut ad spiritália mereámur múnera perveníre.

Per Christum.