Beáta es, Virgo María, quæ ómnium portásti creatórem;

genuísti qui te fecit, et in ætérnum pérmanes Virgo.

Concéde, miséricors Deus, fragilitáti nostræ præsídium,

ut, qui sanctæ Dei Genetrícis memóriam ágimus,

intercessiónis eius auxílio a nostris iniquitátibus resurgámus.

Per Dóminum.

Genetrícis Fílii tui memóriam venerántes,

quæsumus, Dómine,

ut sacrifícii huius oblátio

nosmetípsos, grátia tua largiénte,

tibi perfíciat munus ætérnum.

Per Christum.

Fecit mihi magna, qui potens est,

et sanctum nomen eius.

Redemptiónis ætérnæ partícipes effécti, quæsumus, Dómine,

ut, qui Genetrícis Fílii tui memóriam ágimus,

et de grátiæ tuæ plenitúdine gloriémur,

et salvatiónis contínuum sentiámus augméntum.

Per Christum.