Vultum tuum deprecabúntur omnes dívites plebis:

adducéntur Regi vírgines post eam:

próximæ eius adducéntur tibi

in lætítia et exsultatióne.

Famulórum tuórum, quæsumus, Dómine, delícta ignósce,

ut, qui tibi placére de áctibus nostris non valémus,

Genetrícis Fílii tui Dómini nostri intercessióne salvémur.

Qui tecum.

Súscipe, Dómine, múnera quæ tibi offérimus, et præsta,

ut corda nostra, Sancti Spíritus luce irradiáta,

exémplo beátæ Vírginis Maríæ,

tua semper váleant perquírere et conserváre.

Per Christum.

Laudáte Dóminum Deum nostrum,

quia in María ancílla sua

adimplévit misericórdiam suam,

quam promísit dómui Israel.

Sumptis, Dómine, salútis et fídei sacraméntis,

súpplices te deprecámur,

ut, beátam Vírginem Maríam devóte recoléntes,

supérnæ caritátis cum ipsa partícipes fíeri mereámur.

Per Chrístum.