Die 12 maii
B. Alvaro del Portillo, episcopi
Memoria in Prelatura Operis Dei
Cf. Ez 34, 11.23-24
Visitábo oves meas, dicit Dóminus,
et suscitábo pastórem qui pascat eas:
ego autem Dóminus ero eis in Deum (T.P. allelúia).
Vel:
Cf. Lc 12, 42
Iste est fidélis et prudens dispensátor,
quem constítuit Dóminus super famíliam suam,
ut det illis in témpore trítici mensúram (T.P. allelúia).
Deus Pater misericordiárum,
qui beátum epíscopum Alvárum
spíritu veritátis et dilectiónis implevísti,
præsta, quæsumus,
ut, eius vestígia sectántes,
salutíferæ Ecclésiæ missióni nos humíliter impendámus.
Per Dóminum.
Lectiones:
Tempus "per annum" - Anno primo:
Tempus "per annum" - Anno secundo:
Hóstias, quæsumus, Dómine, quas in festivitáte beáti Alvari
sacris altáribus exhibémus, propítius réspice,
ut, nobis indulgéntiam largiéndo,
tuo nómini dent honórem.
Per Christum.
Cf. Io 15, 16
Non vos me elegístis, dicit Dóminus;
sed ego elégi vos, et pósui vos ut eátis et fructum afferátis,
et fructus vester máneat (T.P. allelúia).
Vel:
Cf. Lc 12, 36-37
Beátus ille servus, quem, cum vénerit dóminus eius,
et pulsáverit iánuam, invénerit vigilántem (T.P. allelúia).
Refécti sacris mystériis, Dómine, humíliter deprecámur,
ut, beáti Alvari exémplo, studeámus confitéri quod crédidit,
et ópere exercére quod dócuit.
Per Christum.