Feria quarta post Epiphaniam
Tempus Nativitatis
Is 9, 2
Pópulus qui ambulábat in ténebris, vidit lucem magnam;
habitántibus in regióne umbræ mortis, lux orta est eis.
Deus, illuminátor ómnium géntium,
da pópulis tuis perpétua pace gaudére,
et illud córdibus nostris spléndidum lumen infúnde,
quod patrum nostrórum méntibus aspersísti.
Per Dóminum.
Lectiones:
• si Epiphania celebratur dominica a die 2 ad diem 8 ianuarii:
Feria quarta
Deus, auctor sincéræ devotiónis et pacis,
da, quæsumus, ut et maiestátem tuam
conveniénter hoc múnere venerémur,
et sacri participatióne mystérii fidéliter sénsibus uniámur.
Per Christum.
1 Io 1, 2
Vita manifestáta est, quæ erat apud Patrem,
et appáruit nobis.
Divérsis plebs tua, Dómine, gubernáta subsídiis,
et præséntia pietátis tuæ remédia cápiat et futúra,
ut, transeúntium rerum necessária consolatióne fovénte,
fiduciálius ad ætérna conténdat.
Per Christum.