Dicit Dóminus:

Ego cógito cogitatiónes pacis et non afflictiónis;

invocábitis me, et ego exáudiam vos,

et redúcam captivitátem vestram de cunctis locis.

Da nobis, quæsumus, Dómine Deus noster,

in tua semper devotióne gaudére,

quia perpétua est et plena felícitas,

si bonórum ómnium iúgiter serviámus auctóri.

Per Dóminum.

Concéde, quæsumus, Dómine,

ut óculis tuæ maiestátis munus oblátum

et grátiam nobis devotiónis obtíneat,

et efféctum beátæ perennitátis acquírat.

Per Christum.

Mihi autem adhærére Deo bonum est,

pónere in Dómino Deo spem meam.

Amen dico vobis, quidquid orántes pétitis,

crédite quia accipiétis, et fiet vobis, dicit Dóminus.

Súmpsimus, Dómine, sacri dona mystérii,

humíliter deprecántes,

ut, quæ in sui commemoratiónem

nos Fílius tuus fácere præcépit,

in nostræ profíciant caritátis augméntum.

Per Christum.