Feria quinta post Epiphaniam
Tempus Nativitatis
Cf. Io 1, 1
In princípio et ante sæcula Deus erat Verbum,
et ipse nasci dignátus est Salvátor mundi.
Deus, qui per Fílium tuum
æternitátis tuæ lumen cunctis géntibus suscitásti,
da plebi tuæ fulgórem plenum sui Redemptóris agnóscere,
ut ad perpétuam claritátem per eius increménta pervéniat.
Per Dóminum.
Lectiones:
• si Epiphania celebratur dominica a die 2 ad diem 8 ianuarii:
Feria quinta
Súscipe, Dómine, múnera nostra,
quibus exercéntur commércia gloriósa,
ut, offeréntes quæ dedísti,
teípsum mereámur accípere.
Per Christum.
Io 3, 16
Sic Deus diléxit mundum,
ut Fílium suum Unigénitum daret,
ut omnis, qui credit in eum, non péreat,
sed hábeat vitam ætérnam.
Da, quæsumus, omnípotens Deus,
ut, mysteriórum virtúte sanctórum,
iúgiter vita nostra firmétur.
Per Christum.