In virtúte tua, Dómine, lætábitur iustus,

et super salutáre tuum exsultábit veheménter;

desidérium ánimæ eius tribuísti ei.

Deus, qui per beatum Ioannem Didacum,

sanctissimae Virginis Mariae dilectionem

erga populum tuum ostendisti:

eius nobis intercessione concede,

ut, Matris nostrae monitis Guadalupae datis obsequentes,

voluntatem tuam iugiter adimplere valeamus.

Per Dóminum.

Præsénti oblatióne, Dómine,

in beáti Ioannis Didaci commemoratióne deláta,

fidélibus tuis, quæsumus, pacis et unitátis dona largíre.

Per Christum.

Qui vult veníre post me, ábneget semetípsum,

et tollat crucem suam, et sequátur me,

dicit Dóminus.

Sacraménta quæ súmpsimus, Dómine,

in commemoratióne beáti Ioannis Didaci

mentes et corda nostra sanctíficent,

ut divínæ consórtes natúræ éffici mereámur.

Per Christum.