Feria sexta post Epiphaniam
Tempus Nativitatis
Ps 111, 4
Exórtum est in ténebris lumen rectis corde:
miséricors et miserátor et iustus Dóminus.
Præsta, quæsumus, omnípotens Deus,
ut Salvatóris mundi, stella duce, manifestáta natívitas,
méntibus nostris revelétur semper et crescat.
Per Dóminum.
Lectiones:
• si Epiphania celebratur dominica a die 2 ad diem 8 ianuarii:
Feria sexta
Múnera, quæsumus, Dómine,
tuæ plebis propitiátus assúme,
ut, quæ fídei pietáte profiténtur,
sacraméntis cæléstibus apprehéndant.
Per Christum.
1 Io 4, 9
In hoc appáruit cáritas Dei in nobis,
quóniam Fílium suum Unigénitum misit Deus in mundum,
ut vivámus per eum.
Deus, qui nos sacraménti tui participatióne contíngis,
virtútis eius efféctus in nostris córdibus operáre,
ut suscipiéndo múneri tuo per ipsum munus aptémur.
Per Christum.