Elégit eum Dóminus sibi in sacerdótem magnum,

et apériens thesáurum suum

abundáre eum fecit ómnibus bonis.

Ecce sacérdos magnus,

qui in diébus suis plácuit Deo:

ídeo iure iurándo fecit illum Dóminus créscere

in plebem suam.

Præsta, quæsumus, Dómine,

ut mártyrum tuórum iúgiter mérita celebrémus,

quorum éxstitit beátus Dámasus papa cultor et amátor.

Per Dóminum.

Súscipe, quæsumus, Dómine, hoc sacrifícium pópuli tui,

ut, quod tibi in honóre beáti Dámasi papæ offértur ad glóriam,

nobis tríbuas ad salútem perpétuam.

Per Christum.

Pastor bonus ánimam suam pósuit

pro óvibus suis.

Sacraménta quæ súmpsimus, Dómine Deus noster,

in nobis fóveant caritátis ardórem,

quo beátus Dámasus papa veheménter accénsus

pro Ecclésia tua se iúgiter impendébat.

Per Christum.