Die 17 novembris
S. Elisabeth Hungariæ, religiosæ
Memoria
Commune sanctorum - pro iis qui opera misericordiæ exercuerunt
Cf. Mt 25, 34.36.40
Veníte, benedícti Patris mei, dicit Dóminus:
infírmus eram, et visitástis me.
Amen dico vobis, quámdiu fecístis
uni ex his frátribus meis mínimis,
mihi fecístis.
Vel:
Ps 111, 9
Dispérsit, dedit paupéribus:
iustítia eius manet in sæculum sæculi,
cornu eius exaltábitur in glória.
Deus, qui beátæ Elísabeth tribuísti
in paupéribus Christum cognóscere ac venerári,
da nobis, eius intercessióne,
egénis et tribulátis iugi caritáte servíre.
Per Dóminum.
Lectiones:
Tempus "per annum" - Anno primo:
Tempus "per annum" - Anno secundo:
Commune sanctorum - pro iis qui opera misericordiæ exercuerunt
Súscipe, Dómine, múnera pópuli tui, et præsta,
ut, qui Fílii tui imménsæ caritátis opus recólimus,
in tui et próximi dilectióne,
beáti Elísabeth exémplo, confirmémur.
Per Christum.
Commune sanctorum - pro iis qui opera misericordiæ exercuerunt
Cf. Io 15, 13
Maiórem hac dilectiónem nemo habet,
ut ánimam suam ponat quis pro amícis suis.
Vel:
Cf. Io 13, 35
In hoc cognóscent omnes quia discípuli mei estis:
si dilectiónem habuéritis ad ínvicem,
dicit Dóminus.
Commune sanctorum - pro iis qui opera misericordiæ exercuerunt
Sacris mystériis reféctos,
da nos, quæsumus, Dómine, beátæ Elísabeth exémpla sectári,
qui te indeféssa pietáte cóluit,
et pópulo tuo imménsa prófuit caritáte.
Per Christum.
Vel:
Sacraménti salutáris, Dómine, pasti delíciis,
tuam súpplices deprecámur pietátem,
ut, beátæ Elísabeth caritátis imitatóres effécti,
consórtes simus et glóriæ.
Per Christum.