Múlier timens Dóminum ipsa laudábitur.

Fílii eius beatíssimam prædicavérunt,

vir eius laudávit eam (T.P. allelúia).

Manum suam apéruit ínopi,

et palmas suas exténdit ad páuperem,

et panem otiósa non comédit (T.P. allelúia).

Deus, qui beátæ Guadalúpe

grátiam largítus es converténdi labórem quotidiánum

in occasiónem occurréndi Christo et serviéndi frátribus,

præsta quǽsumus, ut vestígia eius sequéntes,

fidem et gáudium frátribus nostris disseminémus.

Per Dóminum.

Hóstias tibi, Dómine,

pro beátæ Guadalúpe commemoratióne deférimus,

supplíciter deprecántes,

ut indulgéntiam nobis páriter cónferant et salútem.

Per Christum.

Símile est regnum cælórum hómini negotiatóri

quærénti bonas margarítas;

invénta autem una pretiósa margaríta,

dedit ómnia sua, et comparávit eam (T.P. allelúia).

Divíni operátio sacraménti, omnípotens Deus,

in hac festivitáte beátæ Guadalúpe

illúminet nos páriter et inflámmet,

ut et sanctis iúgiter desidériis ferveámus,

et bonis opéribus abundémus.

Per Christum.