Hæc est virgo sápiens, et una de número prudéntum,

quæ óbviam Christo cum lámpade accénsa éxiit.

O quam pulchra es, virgo Christi,

quae corónam Dómini digna fuísti accípere,

corónam perpétuæ virginitátis.

Deus, qui beátam Rosam, tuo amóre succénsam,

mundum relínquere

et tibi soli in austeritáte pæniténtiæ vacáre fecísti,

da nobis, eius intercessióne,

ut, vias vitæ sectántes in terris,

torrénte deliciárum tuárum perfruámur in cælis.

Per Dóminum.

In beáta vírgine Rosa te, Dómine, mirábilem prædicántes,

maiestátem tuam supplíciter exorámus,

ut, sicut eius tibi grata sunt mérita,

sic nostræ servitútis accépta reddántur offícia.

Per Christum.

Ecce Sponsus venit:

exíte óbviam Christo Dómino.

Unam pétii a Dómino, hanc requíram:

ut inhábitem in domo Dómini

ómnibus diébus vitæ meæ.

Divíni múneris participatióne refécti,

quæsumus, Dómine Deus noster,

ut, exémplo beátæ Rosæ,

mortificatiónem Iesu in córpore nostro circumferéntes,

tibi soli adhærére studeámus.

Per Christum.