Die 16 novembris
S. Margaritæ Scotiæ
Memoria ad libitum
Commune sanctorum - pro iis qui opera misericordiæ exercuerunt
Cf. Mt 25, 34.36.40
Veníte, benedícti Patris mei, dicit Dóminus:
infírmus eram, et visitástis me.
Amen dico vobis, quámdiu fecístis
uni ex his frátribus meis mínimis,
mihi fecístis.
Vel:
Ps 111, 9
Dispérsit, dedit paupéribus:
iustítia eius manet in sæculum sæculi,
cornu eius exaltábitur in glória.
Deus, qui beátam Margarítam
exímia in páuperes caritáte mirábilem effecísti,
da, ut, eius intercessióne et exémplo,
imáginem bonitátis tuæ inter hómines referámus.
Per Dóminum.
Lectiones:
Tempus "per annum" - Anno primo:
Tempus "per annum" - Anno secundo:
Commune sanctorum - pro iis qui opera misericordiæ exercuerunt
Súscipe, Dómine, múnera pópuli tui, et præsta,
ut, qui Fílii tui imménsæ caritátis opus recólimus,
in tui et próximi dilectióne,
beátæ Margarítæ exémplo, confirmémur.
Per Christum.
Commune sanctorum - pro iis qui opera misericordiæ exercuerunt
Cf. Io 15, 13
Maiórem hac dilectiónem nemo habet,
ut ánimam suam ponat quis pro amícis suis.
Vel:
Cf. Io 13, 35
In hoc cognóscent omnes quia discípuli mei estis:
si dilectiónem habuéritis ad ínvicem,
dicit Dóminus.
Commune sanctorum - pro iis qui opera misericordiæ exercuerunt
Sacris mystériis reféctos,
da nos, quæsumus, Dómine, beátæ Margarítæ exémpla sectári,
qui te indeféssa pietáte cóluit,
et pópulo tuo imménsa prófuit caritáte.
Per Christum.
Vel:
Sacraménti salutáris, Dómine, pasti delíciis,
tuam súpplices deprecámur pietátem,
ut, beátæ Margarítæ caritátis imitatóres effécti,
consórtes simus et glóriæ.
Per Christum.