Die 26 iulii
Ss. Ioachim et Annæ, parentum beatæ Mariæ Virginis
Memoria
Lectiones de feria currente:
• Tempus "per annum" - Anno primo:
• Tempus "per annum" - Anno secundo:
vel lectiones de memoria:
Léctio libri Ecclesiástici 44, 1.10-15
FRA •
L/F •
CMT
Laudemus viros gloriosos et parentes nostros in generatione sua. Hi viri misericordiæ sunt, quorum pietates non fuerunt in oblivione. Cum semine eorum permanent, bona hereditas, nepotes eorum, et in testamentis stetit semen eorum; et filii eorum propter illos. Usque in æternum manet semen eorum, et gloria eorum non derelinquetur.
Corpora ipsorum in pace sepulta sunt, et nomen eorum vivit in generationem et generationem; sapientiam ipsorum narrent populi, et laudem eorum nuntiet ecclesia.
Psalmus responsorius 132(131), 11, 13-14, 17-18
FRA •
L/F •
CMTR/ Dábit illi Dóminus Deus sedem David patris eius.
Iuravit Dominus David
veritatem est, et non recedet ab ea:
« De fructu ventris tui
ponam super sedem tuam ».
Quoniam elegit Dominus Sion,
desideravit eam in habitationem sibi:
« Hæc requies mea in sæculum sæculi;
hic habitabo, quoniam desideravi eam ».
« Illic germinare faciam cornu David,
parabo lucernam christo meo.
Inimicos eius induam confusione,
super ipsum autem efflorebit diadema eius ».
Allelúia
Expectábant consolatiónem Israel, et Spíritus Sanctus erat in eis.
Léctio sancti Evangélii secúndum Matthæum 13, 16-17
FRA •
L/F •
CMT
In illo tempore: Dixit Iesus discipulis suis:
« Vestri autem beati oculi, quia vident, et aures vestræ, quia audiunt. Amen quippe dico vobis: Multi prophetæ et iusti cupierunt videre, quæ videtis, et non viderunt, et audire, quæ auditis, et non audierunt! »