Die 25 maii
S. Mariæ Magdalenæ de Pazzi, virginis
Memoria ad libitum
Hæc est virgo sápiens, et una de número prudéntum,
quæ óbviam Christo cum lámpade accénsa éxiit
(T.P. allelúia).
Vel:
O quam pulchra es, virgo Christi,
quae corónam Dómini digna fuísti accípere,
corónam perpétuæ virginitátis (T.P. allelúia).
Deus, virginitátis amátor,
qui beátam Maríam Magdalénam vírginem,
tuo amóre succénsam,
donis cæléstibus decorásti,
da ut, quam hódie venerámur,
eius puritátis caritatísque imitémur exémpla.
Per Dóminum.
Lectiones:
Tempus "per annum" - Anno primo:
Tempus "per annum" - Anno secundo:
In beáta vírgine María Magdaléna te, Dómine, mirábilem prædicántes,
maiestátem tuam supplíciter exorámus,
ut, sicut eius tibi grata sunt mérita,
sic nostræ servitútis accépta reddántur offícia.
Per Christum.
Cf. Mt 25, 6
Ecce Sponsus venit:
exíte óbviam Christo Dómino (T.P. allelúia).
Vel:
Cf. Ps 26, 4
Unam pétii a Dómino, hanc requíram:
ut inhábitem in domo Dómini
ómnibus diébus vitæ meæ (T.P. allelúia).
Divíni múneris participatióne refécti,
quæsumus, Dómine Deus noster,
ut, exémplo beátæ Maríæ Magdalénæ,
mortificatiónem Iesu in córpore nostro circumferéntes,
tibi soli adhærére studeámus.
Per Christum.