Tamquam aurum in fornáce probávit eléctos Dóminus,

et quasi holocáusti hóstiam accépit illos;

et in témpore erit respéctus illórum:

quóniam donum et pax erit eléctis Dei (T.P. allelúia).

Deus, qui sánguinem mártyrum

semen christianórum esse fecísti,

concéde propítius, ut tuæ ager Ecclésiæ,

beatórum Cároli eiúsque sociórum cruóre rigátus,

in amplam tibi messem iúgiter fecundétur.

Per Dóminum.

Hóstias tibi, Dómine, offérimus,

supplíciter exorántes,

ut, sicut beátis martýribus

magis mori quam peccáre tribuísti,

ita nos fácias, tibi soli déditos, altári tuo ministráre.

Per Christum.

Pretiósa in conspéctu Dómini;

mors sanctórum eius (T.P. allelúia).

Súmpsimus, Dómine, divína sacraménta,

sanctórum mártyrum tuórum victóriam recoléntes:

quæsumus, ut,

quæ ipsis ad perferénda supplícia contulérunt,

ea nobis inter advérsa

præbeant fídei caritatísque constántiam.

Per Christum.