Astitit Regína a dextris tuis in vestítu deauráto,

circúmdata varietáte.

Deus, qui Fílii tui Genetrícem

nostram constituísti Matrem atque Regínam,

concéde propítius, ut, ipsíus intercessióne suffúlti,

tuórum in regno cælésti consequámur glóriam filiórum.

Per Dóminum.

Memóriam recoléntes beátæ Vírginis Maríæ,

tibi, Dómine, múnera nostra offérimus, deprecántes,

ut eius nobis succúrrat humánitas,

qui tibi oblatiónem seípsum in cruce óbtulit immaculátam.

Qui vivit et regnat in sæcula sæculórum.

Beáta es, quæ credidísti, quóniam perficiéntur ea,

quæ dicta sunt tibi a Dómino.

Sumptis, Dómine, sacraméntis cæléstibus,

te súpplices deprecámur,

ut, qui beátæ Vírginis Maríæ

memóriam venerándo recólimus,

ætérni convívii mereámur esse partícipes.

Per Christum.