Loquébar, Dómine, de testimóniis tuis in conspéctu regum,

et non confundébar,

et meditábar in mandátis tuis, quæ diléxi nimis.

Deus, qui beátum Ioánnem Baptístam

et nascéntis et moriéntis Fílii tui Præcursórem esse voluísti,

concéde, ut, sicut ille veritátis et iustítiæ martyr occúbuit,

ita et nos pro tuæ confessióne doctrínæ strénue certémus.

Per Dóminum.

Da nobis, Dómine,

per hæc múnera quæ tibi offérimus,

illam tuárum rectitúdinem semitárum,

quam beátus Ioánnes, vox in desérto clamántis, edócuit,

et, fuso sánguine, magna virtúte signávit.

Per Christum.

nos tibi semper et ubíque grátias ágere:

Dómine, sancte Pater, omnípotens ætérne Deus:

per Christum Dóminum nostrum.

tuam magnificéntiam collaudámus,

quem inter natos mulíerum honóre præcípuo consecrásti.

Qui cum nascéndo multa gáudia præstitísset,

et nondum éditus exsultásset ad humánæ salútis advéntum,

ipse solus ómnium prophetárum

Agnum redemptiónis osténdit.

ipsum baptísmatis lavit auctórem,

et méruit fuso sánguine suprémum illi testimónium exhibére.

Et ídeo, cum cælórum Virtútibus,

in terris te iúgiter prædicámus,

maiestáti tuæ sine fine clamántes:

Pleni sunt cæli et terra glória tua.

Hosánna in excélsis.

Benedíctus qui venit in nómine Dómini.

Hosánna in excélsis.

Respóndit Ioánnes:

Illum opórtet créscere, me autem mínui.

Concéde nobis, Dómine,

beáti Ioánnis Baptístæ natále recenséntibus,

ut et salutária sacraménta quæ súmpsimus

significáta venerémur,

et in nobis pótius édita gaudeámus.

Per Christum.