Beátus vir, qui meditábitur in lege Dómini die ac nocte:

dabit fructum suum in témpore suo.

Deus, qui beáto Hierónymo presbýtero

suávem et vivum Scriptúræ Sacræ afféctum tribuísti,

da, ut pópulus tuus verbo tuo ubérius alátur,

et in eo fontem vitæ invéniat.

Per Dóminum.

Tríbue, nobis, Dómine,

ut, exémplo beáti Hierónymi, verbum tuum meditáti,

ad salutárem hóstiam maiestáti tuæ offeréndam

prómptius accedámus.

Per Christum.

Dómine Deus, invénti sunt sermónes tuos, et comédi eos;

et factum est mihi verbum tuum

in gáudium et in lætítiam cordis mei.

Sancta tua quæ súmpsimus, Dómine,

de beáti Hierónymi celebritáte lætántes,

tuórum éxcitent corda fidélium,

ut, sacris inténta doctrínis, intéllegant quod sequántur,

et sequéndo vitam obtíneant sempitérnam.

Per Christum.