Vir Dei Francíscus relíquit domum suam,

dimísit hereditátem suam,

inops et pauper factus est;

Dóminus autem assúmpsit eum.

Deus, qui beáto Francísco

paupertáte et humilitáte Christo configurári tribuísti,

concéde, ut, per illíus sémitas gradiéntes,

Fílium tuum sequi et tibi coniúngi

læta valeámus caritáte.

Per Dóminum.

Múnera tibi, Dómine, offeréntes, quæsumus,

ut ad mystérium crucis celebrándum conveniénter aptémur,

cui beátus Francíscus tam ardénter adhæsit.

Per Christum.

Beáti páuperes spíritu,

quóniam ipsórum est regnum cælórum.

Da nobis, quæsumus, Dómine,

per hæc sancta quæ súmpsimus,

ut, beáti Francísci caritátem

zelúmque apostólicum imitántes,

tuæ dilectiónis efféctus percipiámus

et in salútem ómnium effundámus.

Per Christum.