Salve, sancta parens, eníxa puérpera Regem,

qui cælum terrámque regit in sæcula sæculórum.

Sanctíssimæ venerántibus Vírginis Maríæ

memóriam gloriósam, ipsíus nobis,

quæsumus, Dómine, intercessióne concéde,

ut de plenitúdine grátiæ tuæ nos quoque mereámur accípere.

Per Dóminum.

Súscipe, quæsumus, Dómine,

preces pópuli tui cum oblatiónibus hostiárum,

ut, intercedénte beáta María, Fílii tui Genetríce,

nullíus sit írritum votum,

nullíus sit vácua postulátio.

Per Christum.

Beáta víscera Maríæ Vírginis,

quæ portavérunt ætérni Patris Fílium.

Suméntes, Dómine, cæléstia sacraménta,

quæsumus cleméntiam tuam,

ut, qui de beátæ Vírginis Mariæ commemoratióne lætámur,

eiúsdem Vírginis imitatióne,

redemptiónis nostræ mystério digne valeámus famulári.

Per Christum.