Ressources Catholiques Missel Romain
 
Die 21 novembris
In Præsentatione beatæ Mariæ Virginis
Memoria
LAT  •  FRA  •  L/F
LECT • MISSA • HEURES • CMT
Lectiones de feria currente:
• Tempus "per annum" - Anno primo:
Hebd 33 : Feria III – Feria IV – Feria V – Feria VI – Sabbato – Hebd 34 : Feria II
• Tempus "per annum" - Anno secundo:
Hebd 33 : Feria III – Feria IV – Feria V – Feria VI – Sabbato – Hebd 34 : Feria II
vel lectiones de memoria:
Léctio libri Zacharíæ prophétæ 2, 14-17 FRA • L/F • CMT
« Iubila et lætare, filia Sion, quia ecce ego venio et habitabo in medio tui, ait Dominus. Et applicabuntur gentes multæ ad Dominum in die illa et erunt ei in populum. Et habitabo in medio tui, et scies quia Dominus exercituum misit me ad te.
Et possidebit Dominus Iudam partem suam super terram sanctam et eliget adhuc Ierusalem. Sileat omnis caro a facie Domini, quia consurrexit de habitaculo sancto suo ».
Psalmus responsorius: Evangélium secúndum Lucam 1, 46-47, 48-49, 50-51, 52-53, 54-55 : Magnificat FRA • L/F
R/ Fecit mihi magna, qui potens est, et sanctum nomen eius.
vel
R/ Beáta Virgo María, quæ portásti ætérni Patris Fílium!
Magnificat anima mea Dominum,
et exsultavit spiritus meus in Deo salvatore meo.
 
Quia respexit humilitatem ancillæ suæ.
Ecce enim ex hoc beatam me dicent omnes generationes,
quia fecit mihi magna, qui potens est,
et sanctum nomen eius.
 
Et misericordia eius in progenies et progenies
timentibus eum.
Fecit potentiam in brachio suo,
dispersit superbos mente cordis sui.
 
Deposuit potentes de sede
et exaltavit humiles;
esurientes implevit bonis
et divites dimisit inanes.
 
Suscepit Israel puerum suum,
recordatus misericordiæ,
sicut locutus est ad patres nostros,
Abraham et semini eius in sæcula.
Allelúia
Beáti qui áudiunt verbum Dei, et custódiunt.
Léctio sancti Evangélii secúndum Matthæum 12, 46-50 FRA • L/F • CMT
In illo tempore:
Loquente Iesu ad turbas, ecce mater et fratres eius stabant foris quærentes loqui ei. Dixit autem ei quidam: « Ecce mater tua et fratres tui foris stant quærentes loqui tecum ».
At ille respondens dicenti sibi ait: « Quæ est mater mea, et qui sunt fratres mei? ».
Et extendens manum suam in discipulos suos dixit: « Ecce mater mea et fratres mei. Quicumque enim fecerit voluntatem Patris mei, qui in cælis est, ipse meus frater et soror et mater est ».
Ad Offertorium