Die 18 novembris
In Dedicatione basilicarum Ss. Petri et Pauli, apostolorum
Memoria ad libitum
Lectiones de feria currente:
• Tempus "per annum" - Anno primo:
• Tempus "per annum" - Anno secundo:
vel lectiones de memoria:
Léctio Actuum Apostolórum 28, 11-16.30-31
FRA •
L/F •
CMT
Post menses tres, navigavimus in navi Alexandrina, quæ in insula [Melita] hiemaverat, cui erat insigne Castorum. Et cum venissemus Syracusam, mansimus ibi triduo; inde solventes devenimus Rhegium. Et post unum diem, superveniente austro, secunda die venimus Puteolos, ubi, inventis fratribus, rogati sumus manere apud eos dies septem; et sic venimus Romam.
Et inde cum audissent de nobis fratres, occurrerunt nobis usque ad Appii Forum et Tres Tabernas; quos cum vidisset Paulus, gratias agens Deo, accepit fiduciam.
Cum introissemus autem Romam, permissum est Paulo manere sibimet cum custodiente se milite.
Mansit autem biennio toto in suo conducto; et suscipiebat omnes, qui ingrediebantur ad eum, prædicans regnum Dei et docens quæ sunt de Domino Iesu Christo cum omni fiducia sine prohibitione.
Psalmus responsorius 98(97), 1, 2-3ab, 3cd-4, 5-6
FRA •
L/FR/ In conspéctu géntium revelávit Dóminus iustítiam suam.
Cantate Domino canticum novum,
quia mirabilia fecit.
Salvavit sibi dextera eius,
et brachium sanctum eius.
Notum fecit Dominus salutare suum,
in conspectu gentium revelavit iustitiam suam.
Recordatus est misericordiæ suæ
et veritatis suæ domui Israel.
Viderunt omnes termini terræ
salutare Dei nostri.
Iubilate Deo, omnis terra;
erumpite, exsultate et psallite.
Psallite Domino in cithara,
in cithara et voce psalmi;
in tubis ductilibus et vice tubæ corneæ,
iubilate in conspectu regis Domini.
Allelúia
Te Deum laudámus, te Dóminum confitémur; te gloriósus Apostolórum chorus laudat, Dómine.
Léctio sancti Evangélii secúndum Matthæum 14, 22-33
FRA •
L/F •
CMT
[Postquam saturata est turba,] statim iussit Iesus discipulos ascendere in naviculam et præcedere eum trans fretum, donec dimitteret turbas. Et dimissis turbis, ascendit in montem solus orare. Vespere autem facto, solus erat ibi. Navicula autem iam multis stadiis a terra distabat, fluctibus iactata; erat enim contrarius ventus.
Quarta autem vigilia noctis venit ad eos ambulans supra mare. Discipuli autem, videntes eum supra mare ambulantem, turbati sunt dicentes: « Phantasma est », et præ timore clamaverunt.
Statimque Iesus locutus est eis dicens: « Habete fiduciam, ego sum; nolite timere! ».
Respondens autem ei Petrus dixit: « Domine, si tu es, iube me venire ad te super aquas ».
At ipse ait: « Veni! ».
Et descendens Petrus de navicula ambulavit super aquas et venit ad Iesum. Videns vero ventum validum timuit et, cum cœpisset mergi, clamavit dicens: « Domine, salvum me fac! ».
Continuo autem Iesus extendens manum apprehendit eum et ait illi: « Modicæ fidei, quare dubitasti? ». Et cum ascendissent in naviculam, cessavit ventus.
Qui autem in navicula erant, adoraverunt eum dicentes: « Vere Filius Dei es! ».