Dóminus pars hereditátis meæ et cálicis mei:

tu es qui restítues hereditátem meam mihi.

Beatórum fratrum, Dómine,

pietátem nobis benígnus infúnde,

qua et Dei Genetrícem sunt devotíssime veneráti,

et tuum ad te pópulum provexérunt.

Per Dóminum.

Clementíssime Deus, qui, vétere hómine consúmpto,

novum secúndum te in beátis Fundatoribus Ordinis Servorum creáre dignátus es,

concéde propítius, ut nos páriter renováti

hanc placatiónis hóstiam tibi acceptábilem offerámus.

Per Christum.

Amen dico vobis quod vos, qui reliquístis ómnia,

et secúti estis me, céntuplum accipiétis,

et vitam ætérnam possidébitis.

Per huius virtútem sacraménti, quæsumus, Dómine,

beátorum Fundatorum Ordinis Servorum exémplo, deduc nos iúgiter in tua dilectióne,

et opus bonum quod cœpísti in nobis

pérfice usque in diem Christi Iesu.

Qui vivit et regnat in sæcula sæculórum.