Beátus Gregórius, in cáthedra Petri sublimátus,

semper spéciem Dómini quærébat,

atque in sollemnitáte illíus amóris habitábat.

Deus, qui pópulis tuis indulgéntia cónsulis

et amóre domináris,

da spíritum sapiéntiæ,

intercedénte beáto Gregório papa,

quibus dedísti régimen disciplínæ,

ut de proféctu sanctárum óvium

fiant gáudia ætérna pastórum.

Per Dóminum.

Annue nobis, quæsumus, Dómine,

ut, in celebratióne beáti Gregórii,

hæc nobis prosit oblátio,

quam immolándo totíus mundi tribuísti relaxári delícta.

Per Christum.

Fidélis servus et prudens,

quem constítuit Dóminus super famíliam suam,

ut det illis in témpore trítici mensuram.

Quos Christo réficis pane vivo,

eósdem édoce, Dómine, Christo magístro,

ut in festivitáte beáti Gregórii

tuam discant veritátem,

et eam in caritáte operéntur.

Per Christum.