Die 12 septembris
Sanctissimi Nominis Mariæ
Memoria ad libitum
Cf. Iudt 13, 18-19
Benedícta es tu, Virgo María, a Dómino Deo excélso
præ ómnibus muliéribus super terram;
quia nomen tuum ita magnificávit,
ut non recédat laus tua de ore hóminum.
Concéde, quæsumus, omnípotens Deus,
ut cunctis gloriósum beátæ Maríæ Vírginis
nomen celebrántibus
misericórdiæ tuæ benefícia ipsa procúret.
Per Dominum.
Lectiones:
Tempus "per annum" - Anno primo:
Tempus "per annum" - Anno secundo:
Intercéssio, quæsumus, Dómine,
beátæ Maríæ semper Vírginis
múnera nostra comméndet,
nosque in eius nóminis veneratióne
tuæ maiestáti reddat accéptos.
Per Christum.
Cf. Lc 1, 48
Beátam me dicent omnes generatiónes,
quia ancíllam húmilem respéxit Deus.
Benedictiónis tuæ, Dómine,
intercedénte Dei Genetríce María, grátiam consequámur,
ut, cuius venerándum nomen celebrámus,
eius in ómnibus necessitátibus auxílium percipiámus.
Per Christum.