Qui docti fúerint, fulgébunt quasi splendor firmaménti,

et qui ad iustítiam erúdiunt multos,

quasi stellæ in perpétuas æternitátes.

Deus, in te sperántium fortitúdo,

qui beátum Ioánnem Chrysóstomum epíscopum

mira eloquéntia et tribulatiónis experiménto

claréscere voluísti,

da nobis, quæsumus, ut, eius doctrínis erudíti,

invíctæ patiéntiæ roborémur exémplo.

Per Dóminum.

Sacrifícium tibi pláceat, Deus,

in commemoratióne beáti Ioánnis Chrysóstomi

libénter exhíbitum,

quo monénte, nos étiam totos tibi réddimus collaudántes.

Per Christum.

Nos prædicámus Christum crucifíxum,

Christum, Dei virtútem et Dei sapiéntiam.

Concéde, miséricors Deus, ut mystéria,

quæ pro beáti Ioánnis Chrysóstomi commemoratióne

súmpsimus,

nos in tua caritáte confírment,

et tuæ fidéles confessóres veritátis effíciant.

Per Christum.