Die 16 septembris
Ss. Cornelii, papæ, et Cypriani, episcopi, martyrum
Memoria
Deus, qui pópulo tuo beátos Cornélium et Cypriánum
sédulos pastóres et invíctos mártyres præstitísti,
concéde ut, eórum intercessióne,
fide et constántia roborémur,
et pro Ecclésiæ unitáte óperam tribuámus impénse.
Per Dóminum.
Lectiones:
Tempus "per annum" - Anno primo:
Tempus "per annum" - Anno secundo:
Súscipe, quæsumus, Dómine, múnera pópuli tui
pro mártyrum tuórum passiónibus dicáta sanctórum,
et quæ beátis Cornélio et Cypriáno
in persecutióne fortitúdinem ministrárunt,
nobis quoque præbeant inter advérsa constántiam.
Per Christum.
Per hæc mystéria quæ súmpsimus, Dómine,
súpplices exorámus,
ut, beatórum mártyrum Cornélii et Cypriáni exémplo,
spíritus tui fortitúdine confirmáti,
evangélicæ veritáti possímus testimónium perhibére.
Per Christum.