Circumdúxit eam Dóminus et dócuit;

et custodívit quasi pupíllam óculi sui.

Sicut áquila expándit alas suas,

et assúmpsit eam, atque portávit in húmeris suis.

Dóminus solus dux eius fuit.

Deus, qui regnum tuum humílibus parvulísque dispónis,

fac nos beátæ Terésiæ trámitem prósequi confidénter,

ut, eius intercessióne, glória tua nobis revelétur ætérna.

Per Dóminum.

In beáta Terésia te, Dómine, mirábilem prædicántes,

maiestátem tuam supplíciter exorámus,

ut, sicut eius tibi grata sunt mérita,

sic nostræ servitútis accépta reddántur offícia.

Per Christum.

Dicit Dóminus: Nisi convérsi fuéritis,

et efficiámini sicut párvuli,

non intrábitis in regnum cælórum.

Sacraménta quæ súmpsimus, Dómine,

illíus in nobis vim amóris accéndant,

quo beáta Terésia se tibi addíxit,

tuámque cúpiit miseratiónem pro ómnibus impetráre.

Per Christum.