Christo confíxus sum cruci;

vivo autem, iam non ego:

vivit vero in me Christus;

in fide vivo Fílii Dei,

qui diléxit me, et trádidit semetípsum pro me.

Omnípotens sempitérne Deus,

qui sanctórum mártyrum confessiónibus

Ecclésiæ tuæ sacrum corpus exórnas,

concéde, quæsumus, ut hodiérna glória passiónis,

sicut beáto Ignátio magnificéntiam tríbuit sempitérnam,

ita nobis perpétuum munímen operétur.

Per Dóminum.

Grata tibi sit, Dómine, nostræ devotiónis oblátio,

qui beátum Ignátium, fruméntum Christi,

per martýrii passiónem panem mundum suscepísti.

Per Christum.

Fruméntum Christi sum:

déntibus bestiárum molar,

ut panis mundus invéniar.

Refíciat nos, Dómine, panis cæléstis,

quem in beáti Ignátii natáli suscépimus,

ac tríbuat nos nómine et ópere esse christiános.

Per Christum.