Die 19 octobris
Ss. Ioannis de Brébeuf et Isaac Jogues, presbyterorum, et sociorum, martyrum
Memoria ad libitum
Commune martyrum (pro pluribus missionariis martyribus)
Cf. Gal 6, 14; 1 Cor 1, 18
Nobis absit gloriári nisi in cruce Dómini nostri Iesu Christi.
Verbum enim crucis nobis qui salvi facti sumus,
virtus Dei est.
Deus, qui spem beátam regni ætérni
sanctórum Ioánnis et Isaac eorúmque sociórum
ópere et sánguinis effusióne manifestáre voluísti,
concéde propítius, ut, eórum intercessióne,
fides christianórum in dies firmétur.
Per Dóminum.
Lectiones:
Tempus "per annum" - Anno primo:
Tempus "per annum" - Anno secundo:
Commune martyrum (pro pluribus missionariis martyribus)
Mártyrum tuórum Ioánnis et Isaac passiónem venerántes,
fac nos, Dómine, hoc sacrifício
mortem Unigéniti tui digne annuntiáre,
cui parum fuit hortári mártyres verbo,
nisi firmáret exémplo.
Per Christum.
Commune martyrum (pro pluribus missionariis martyribus)
Mt 5, 10
Beáti qui persecutiónem patiúntur propter iustítiam,
quóniam ipsórum est regnum cælórum.
Vel:
Mt 10, 32
Qui me conféssus fúerit coram homínibus,
confitébor et ego eum coram Patre meo,
dicit Dóminus.
Commune martyrum (pro pluribus missionariis martyribus)
Cæléstibus, Dómine, pasti delíciis,
súpplices te rogámus,
ut, exémplo beatórum Ioánnis et Isaac,
caritátis et passiónis Fílii tui
in méntibus nostris signa ferámus,
et perpétuæ pacis fructu iúgiter perfruámur.
Per Christum.