Hæc est virgo sápiens, et una de número prudéntum,

quæ óbviam Christo cum lámpade accénsa éxiit.

O quam pulchra es, virgo Christi,

quae corónam Dómini digna fuísti accípere,

corónam perpétuæ virginitátis.

Effúnde super nos, quæsumus, Dómine,

spíritum, quo beátam Margarítam Maríam singuláriter ditásti,

ut scire valeámus

supereminéntem sciéntiæ caritátem Christi,

et impleámur in omnem plenitúdinem tuam.

Per Dóminum.

In beáta vírgine Margaríta María te, Dómine, mirábilem prædicántes,

maiestátem tuam supplíciter exorámus,

ut, sicut eius tibi grata sunt mérita,

sic nostræ servitútis accépta reddántur offícia.

Per Christum.

Ecce Sponsus venit:

exíte óbviam Christo Dómino.

Unam pétii a Dómino, hanc requíram:

ut inhábitem in domo Dómini

ómnibus diébus vitæ meæ.

Divíni múneris participatióne refécti,

quæsumus, Dómine Deus noster,

ut, exémplo beátæ Margarítæ Maríæ,

mortificatiónem Iesu in córpore nostro circumferéntes,

tibi soli adhærére studeámus.

Per Christum.