Deus, qui ad animárum salútem

beátum Francíscum epíscopum

ómnibus ómnia factum esse voluísti,

concéde propítius, ut, eius exémplo,

tuæ mansuetúdinem caritátis

in fratrum servítio semper ostendámus. Per Dóminum.

Per hanc salutárem hóstiam quam offérimus tibi, Dómine,

cor nostrum divíno illo Sancti Spíritus igne succénde,

quo mitíssimum beáti Francísci ánimum

mirabíliter inflammásti. Per Christum.

Concéde, quæsumus, omnípotens Deus,

ut, per sacraménta quæ súmpsimus,

beáti Francísci caritátem et mansuetúdinem

imitántes in terris,

glóriam quoque consequámur in cælis. Per Christum.