Elégit eum Dóminus sibi in sacerdótem magnum,

et apériens thesáurum suum

abundáre eum fecit ómnibus bonis.

Ecce sacérdos magnus,

qui in diébus suis plácuit Deo:

ídeo iure iurándo fecit illum Dóminus créscere

in plebem suam.

Deus, dives in misericórdia,

qui santum Ioánnem Paulum, papam,

univérsae Ecclésiae tuae praeésse voluísti,

praesta, quaésumus, ut, eius institútis edócti,

corda nostra salutíferae grátiae Christi,

uníus redemptóris hóminis, fidénter aperiámus.

Qui tecum.

Súscipe, quæsumus, Dómine, hoc sacrifícium pópuli tui,

ut, quod tibi in honóre beáti Ioánnis Pauli offértur ad glóriam,

nobis tríbuas ad salútem perpétuam.

Per Christum.

Pastor bonus ánimam suam pósuit

pro óvibus suis.

Sacraménta quæ súmpsimus, Dómine Deus noster,

in nobis fóveant caritátis ardórem,

quo beátus Ioánnis Paulus veheménter accénsus

pro Ecclésia tua se iúgiter impendébat.

Per Christum.